सीमा विवाद छलफलबाट समाधान गर्न सकिन्छ : भारतीय राजदूत


इमेची डटकम । २३ मंसिर, काठमाडौं :

नेपालका लागि भारतीय राजदूत मञ्जीवसिंह पुरीले नेपाल र भारतबीच अहिले अहिले देखिएको सीमा विवाद छलफलबाट समाधान निकाल्न सकिने बताएका छन् ।

राजदूतको जिम्मेवारीबाट अवकाश लिने क्रममा रहेका राजदूत पुरीले गोरखापत्र र दि राइजिङ नेपाललाई दिएको एक अन्र्तवार्तामा सो कुरा बताएका हुन्  ।

नक्सा विवादका विषयमा उनले भने– त्यो नक्सा भारत भित्रका राज्यहरूको सीमामा भएका परिवर्तनसँग सम्बन्धित थियो । नेपाल लगायत अन्य कुनै देशको बाहिरी सिमानसँग सम्बन्धित थिएन । जुन सीमाना विगतका नक्साहरूमा थियो त्यही नै नयाँ नक्सामा पनि थियो ।

समाधानका उपाय बारे उनको भनाइ थियो–हाम्रो युगौंदेखि रहँदै आएका १८ सय किलोमिटर लामो खुला सीमाना छ । त्यसैले त्यहाँ कुनै पनि मुद्दा हुन सक्छ यदि कुनै मुद्दाहरू छन् भने त्यसमा हामीले छलफल गर्नु पर्ने हुन्छ । हामीहरू छलफल पनि गरिरहेका छौ ।

उनले सीमा जस्तो विषयमा निकै महत्वपूर्ण विषय भएको र यस्तो कुरामा थोरै सावधान हुनु पर्ने भन्दै यस्तो विषयमा कसैलाई पनि अबसर दिनु नहुने बताए ।

नेपालका वर्तमान अबस्थाबारे उनले भने, नेपालले धेरै राम्रा कामहरू गरेको छ र विश्वले त्यसलाई अनुभुत गरिरहेको छ । नेपालको अतिकम विकसित मुलुकबाट विकासशील मुलुकमा उक्लने तयारी ठीक ढङगले अगाडि बढाएको छ ।

उनले थप्दै भने – कसैले पनि यसरी आफूलाई माथि उक्लन चहाँदैन किन भने यसबाट नेपाल माथि हुँदा केही सकारात्मक विभेदका फाइदाहरू गुम्न सक्छन् । नेपालले केही लाभ लिन सक्थ्यो तर अर्कातर्फ नेपालका उच्च गौरबका साथ अघि बढ्न सक्छ ।

साथै राजदूत पुरीले नेपालले सन् २०३० वा सो भन्दा अगाडि नै मध्यम स्तरको आय भएको मुलुकमा पुग्न नभारतीय अर्थतन्त्रसँगको अन्तक्रिया (इन्टर्याक्सन) लाई बृद्धि गर्नु पर्ने कुरामा जोड दिएका छन् ।

उनले केपी शर्मा ओलीले सन् २०१८मा भारतको भ्रमण गर्दा तीनवटा ड्रिम प्रोजेक्टबारे बताएको र त्यसमा कृषि, जलपरिवहन र रेल सेवा रहेको उल्लेख गर्दै आफूले पनि भारतको उत्तराखण्डस्थित गोविन्द बल्लभ पन्त कृषि तथा प्रविधि विश्वविद्यालयबाट पीएचडी गरेको नताले उहाँको सो विचारबाट निकै खुशी भएको बताए ।

उनले भारतको इन्ल्याण्ड वाटर वे (जलमार्ग) सँग नेपालको जलमार्गलाई जोड्ने चाहान व्यक्त गरेको स्मरण गर्दै दुई वर्ष भित्रमा नै नेपाल भारतको राष्ट्रिय जलमार्गसँग जोडिएको र निकट भविष्यमा नै ती जलमार्गहरूबाट समान ओसारपसार हुने बताए ।

उनले अगाडि भने, हामीले भारतमा गंगा नदिलाई मुख्य जलमार्गका रुपमा विकास गरीरहेका छौं जसले नेपाललाई भारतको कोलकाटाबाट न्यूनतम् लागतमा नेपालका नजिकको नाकासम्म सामान ल्याउन सहयोग पुग्ने छ ।


भारतले सार्वजनिक गरेको राजनैतिक नक्शामा नेपालको भूभाग परेसँगै नेपालले आफ्नो सिमानामा पर्खाल लगाउनुपर्छ भन्दै जोडतोडका साथ आवाज उठिरहेको छ । सिमानामा पर्खाल लगाउनुपर्छ र छिमेकीको हेपाहा प्रवृतिबाट मुक्त हुनुपर्छ भन्दै स्वतस्पूर्त रुपमा सामाजिक सञ्जालहरुमा मानिसरुलाई आफ्नो बिचार व्यक्त गर्न थालेका छन् ।

यसै विषयमा पर्खाल किन र यस्को आवश्यकता के छ भन्ने बारेमा थप जानकारी लिनको लागि तलको भिडियो हेर्नुहोला ।

(Visited 2 times, 1 visits today)

    प्रतिकृया दिनुहोस्

    सम्वन्धित समाचारहरु