तपाई‌ंका ५ काम, जसले पार्टनरलाई रिस उठाउँछ


प्रेमीप्रेमीका या पतिपत्नी । यी दुवै एकअर्कालाई सहज बनाउन सधै तयार हुन्छन् । तर कतिपय पार्टनर भने स–साना कुरामा ध्यान दिन नसक्दा जीवनशैलीमा नै असर पारिरहेको हुन्छ । कतिपय अवस्थामा तपाईंको बानीले पार्टनरलाई असहज बनाउने तथा चिढ्याउने गर्दछ । अझ कतिपय कुरामा त हामीले ख्याल नगरिँदिदा पार्टनरलाई रिस उठ्ने गर्दछ ।

यस्तै स–साना कुराले कालान्तरमा झगडा तथा मनमुटावसम्मको स्थितिमा पुर्‍याउने गर्छ । यदि तपाईं पनि यस्तै समस्याबाट गुर्जिनुभएको छ भने यी टिप्स काम लाग्न सक्छन्:

ओछ्यानमा चिसो रुमाल राख्नु हुँदैन

प्राय: श्रीमानहरु नुहाइसकेपछि चिसो रुमाल वा तौलिया नसुकाई बेडमा छाड्ने गर्दछन् । श्रीमानको यो बानीले धेरै श्रीमतीहरु आजित हुन्छन् । बेडमा चिसो कपडा राख्दा बेड चिसो हुनुका साथै रुमाल पनि बिस्तारै कालो हुँदै जान्छ । यसले तपाईको श्रीमतीलाई चिढ्याउने गर्दछ ।

विदाका दिन ढिलोसम्म नसुत्नुहोस्

अधिकांश श्रीमानहरू विदाको दिन बिहान अबेरसम्म सुत्ने गर्दछन् । अझ केही त विदाको दिनमा बेडरुममा नै चिया, कफी, खाना, खाजा खान रुचाउँछन् । तर यस्तो कुराले तपाईंको पार्टनरलाई रिस उठाउने गर्दछ । तपाईको पार्टनरको चाहना तपाईको विदाको दिनमा तपाईंसँगै घुम्न जाने हुन्छ ।

भनेको समयभन्दा ढिलो नआउनुहोस्

तपाईको पार्टनर तपाईलाई कहि कुरिरहेका हुन्छन् अनि तपाई तोकिएको समयभन्दा ढिलो पुग्नुभयो भने यस कुराले तपाईंप्रति रिस उठ्छ । तोकिएको समयमा नपुग्दा तपाईको पार्टनरप्रति चाह छैन वा मतलब छैन भन्ने भान पर्न सक्छ । त्यसैले कहीँ कतै भेट्न तोकिएको समयमा नै पुग्नुहोस् ।

आफ्नो सामान आफै खोज्नुहोस्

धेरै पुरुषहरु आफ्नो सामान खोज्दा नभेटिएको भन्दै आफ्नो पार्टनरलाई सामान खोज्न लगाउने गर्दछन् । तर, तपाईं आफैले राखेको सामान कहाँ छ । त्यसबारे आफै जानकार हुन आवश्यक छ । अन्यथा यसले तपाईको सम्झना शक्ति गुम्दै जाने तथा पार्टनरले समेत झिँजो मान्ने हुन्छ ।

घुर्ने वा सुताइमा असर पार्ने

कतिपय श्रीमानहरु सुत्दा घुर्ने वा अप्ठेरो सुतेर पार्टनरलाई समेत असर पार्ने गर्दछन् । हुन त थकान वा अन्य कारणले घुर्ने वा अप्ठेरो सुताइ हुनसक्छ तर तपाईको कारणले पार्टनरलाई असहज पार्नु पक्कै पनि राम्रो हुँदैन । त्यसैले आफूसहित पार्टनरलाई सुत्न सहज बनाउन ध्यान दिनुहोस् ।

(Visited 21 times, 1 visits today)

    प्रतिकृया दिनुहोस्

    सम्वन्धित समाचारहरु