नेपालमा पनि ‘क्यार’ चक्रवातको प्रभाव, हल्का वर्षा हुने


काठमाडौं, कात्तिक ८ : अबर सागरमा देखिएको क्यार चक्रवातले नेपालमा पनि प्रभाव पर्ने देखिएको छ। जसले गर्दा आज हल्का वर्षा हुने जनाएको छ।

बिहीबार अरब सागमार क्यार चक्रवात देखिएको हो। जसको प्रभाव भारत, बंगलादेश र पाकिस्तानमा परेको छ। भारतको दक्षिणी क्षेत्रमा वर्षा भइरहेको छ।

क्यार चक्रवातको प्रभाव नेपालमा पनि परेको जल तथा मौसम विज्ञान विभागले जनाएको छ। क्यारको प्रभावले गर्दा प्रदेश १, २ र ३ मा सामान्यदेखि पूर्ण बदली हुने विभागले जनाएको छ।

विभागका अनुसार, चक्रवातको प्रभावले प्रदेश १, २ र ३ मा हल्का वर्षा हुनेछ। अन्य भूभागमा भने सामान्यतया मौसम सफा रहने विभागले जनाएको छ।

भारतमा भने यसको प्रभाव अत्यधिक परेको छ। कर्नाटकालगायतका क्षेत्रमा उच्च सतर्कता अपनाइएको छ भने मुम्बई, गोवा लगायतका क्षेत्रमा भारी वर्षा हुने जनाएको छ।

जल तथा माैसम विज्ञान विभागले ट्वीट गरेर पनि क्यार चक्रवातकाे प्रभाव पर्ने जनाएकाे छ।

(Visited 13 times, 1 visits today)

    प्रतिकृया दिनुहोस्

    सम्वन्धित समाचारहरु