‘ज्ञानेन्द्र शाही घटना’को अनुसन्धान गर्न पाँच सदस्यीय समिति गठन


भ्रष्टाचार विरोधी अभियन्ता बताउने ज्ञानेन्द्र शाहीमाथि चितवनमा भएको आ’क्रमणको अनुसन्धानका लागि जिल्ला प्रहरी कार्यालयले समिति गठन गरेको छ।

प्रहरी नायब उपरीक्षकको नेतृत्वमा पाँच सदस्यीय अनुसन्धान समिति गठन गरिएको हो।

कार्यालयका प्रमुख प्रहरी उपरीक्षक दानबहादुर मल्लका अनुसार पी’डित पक्षबाट हालसम्म उजुरी परेको छैन।

चौबीस घण्टासम्म पनि उजुरी नपरेपछि प्रहरी कार्यालयले घटनाको अनुसन्धान गर्न समिति बनाएको हो।

‘के, कसरी घटना घट्यो र संलग्न व्यक्तिको पहिचान गर्न समितिले काम गर्नेछ’, मल्लले भने।

समितिले तीन दिनभित्र आफ्नो प्रतिवेदन पेश गर्नेछ। सोही आधारमा दोषीलाई कारबाही गर्न सहज हुने उनले बताए।

शनिबार दिउँसो भरतपुरको चौविसकोठीमा शाहीले सम्बोधन गर्न लागेको कार्यक्रम बिथोलिएपछि फर्कने क्रममा होटल परिसरमा उनीमाथि आक्रमण भएको थियो।

उनी चढेको माइक्रोबसमा आक्रमण भएको हो।

आक्रमण भएपछि माइक्रोबाट ज्ञानेन्द्र शाहीलाई बाहिर निकाल्दै उनका सहयोगी र सुरक्षाकर्मी । तस्बिर : अनिल ढकाल

सो क्रममा घाइते भएका शाहीलाई चितवन मेडिकल कलेजमा उपचारपछि थप उपचारका लागि सोही दिन काठमाडौं लगिएको थियो।

सो घटनापछि सामाजिक सञ्जालमा भरतपुर महानगरपालिकाका प्रमुख रेनु दाहालको चरित्र हत्या हुने गरी अपशब्दहरु लेखिएको भन्दै महानगरपालिकाले जिल्ला प्रहरी कार्यालयमा उजुरी दर्ता गरेको छ।

प्रहरी प्रमुख मल्लका अनुसार सो उजुरीपछि खैरहनीका ३० वर्षीय पशुपति श्रेष्ठलाई पक्राउ गरी अनुसन्धान थालिएको छ।

चितवन आक्रमणमा घाइते भएका ‘नेपालका लागि नेपाली’ राष्ट्रिय अभियानका अभियन्ता ज्ञानेन्द्र शाही ट्रमा सेन्टरमा उपचारको लागि भर्ना हुँदै। तस्बिर-प्रतिभा चन्द/देश सञ्‍चार

अन्य व्यक्तिको खोजी भइरहेको छ। महानगरको उजुरी साइबर क्राइम ब्यूरोमा पठाइएको र त्यहाँबाट पनि अनुसन्धान थालिएको मल्लले जानकारी दिए।

(Visited 19 times, 1 visits today)

    प्रतिकृया दिनुहोस्

    सम्वन्धित समाचारहरु