वाइसिएल चितवनले भन्यो- ज्ञानेन्द्र शाहीलाई सम्झाएर पठाइएको हो


चितवन : ज्ञानेन्द्र शााहीमाथि चितवनमा भएको आ’क्रमणबारे सत्तारुढ नेपाल कम्युनिस्ट पार्टी (नेकपा) निकट वाइसिएल चितवनले आफ्नो धारणा सार्वजनिक गरेको छ।

वाइसिएल चितवन अध्यक्ष ईश्वर रेग्मीले शाहीलाई चितवनवासीले सम्झाएर पठाएको बताएका छन्। रेग्मीले गणतन्त्रविरोधीलाई चितवनवासीले मन नपराउने हुँदा यो दुःखद घटना भएको बताए। शाही गणतन्त्रवादी युवाहरुको निशानीमा परेको उनको दाबी छ। ‘चितवन सचेत नागरिक बस्ने जिल्ला हो। यहाँका जनताले छिटो रियाक्ट गर्छन्,’ उनले भने, ‘गणतन्त्रविरोधिलाई मन पराउँदैनन्, त्यसैको उपज हो उनिमाथिको आ’क्रमण।’ अध्यक्ष रेग्मीले शाहीमाथिको आ’क्रमणमा नेकपा निकटका कुनै संगठनको संलग्नता नरहेको दावी गरेका छन्।

आ’क्रमण भएपछि माइक्रोबाट ज्ञानेन्द्र शाहीलाई बाहिर निकाल्दै उनका सहयोगी र सुरक्षाकर्मी । तस्बिर : अनिल ढकाल

बिनाप्रमाण आफुलाई मन नपर्ने व्यक्तिलाई भ्रष्टाचारी भन्ने, गाली’गलौज गर्ने, चेतावनी दिने, मानमर्दन गर्ने लगायतका गतिविधि गर्ने छुट शाहीलाई नरहेको रेग्मीको भनाइ छ। उनले भने, ‘हामी पनि भ्रष्टाचारको विरोधी हौं, समृद्धि, सम्मुनत विकसित नेपालका लागि लड्छौँ तर जसलाई जे मन लाग्यो त्यही गर्दै, बोल्दै हिँड्ने अधिकार कसैलाई छैन।’ उनले यो घटना दुःखद् भएको टिप्पणी गरेका छन्। यद्यपि, सार्वजनिक स्थानमा एक व्यक्तिले तथानाम बोल्दै हिड्दा नजिकै भएका एक अर्का भद्र व्यक्तिले दुई झापड हानेर घर लखेट्ने काम गर्दा सही नै हुने उनको जिकिर छ।

चितवन वाइसिएल अध्यक्ष ।

घुमाउरो पारामा उनले भनेका छन् ज्ञानेन्द्रलाई नि’र्घात रुपमा कु’ट्ने मान्छेहरु भद्र मान्छे हुन् ।

(Visited 47 times, 1 visits today)

    प्रतिकृया दिनुहोस्

    सम्वन्धित समाचारहरु