एकाबिहानै देखि वर्षा, दिनभरको मौसम कस्तो छ ?


प्रतिनिधि तस्विर ।

काठमाडौं । उपत्यका लगायत अन्य ठाउँमा सामान्यदेखि पूर्णतया बदली रही पूर्वदेखि पश्चिमसम्मका केही स्थानमा वर्षा भइरहेको जल तथा मौसम पूर्वानुमान महाशाखाले जनाएको छ ।

मौसम पूर्वानुमान महाशाखाका अनुसार शनिबार देशभरी सामान्य बदली रहनेछ। देशका पूर्वदेखि पश्चिम सम्मकै केही– केही स्थानमा मेघ गर्जन–चट्टयांगसहित हल्कादेखि मध्यम वर्षाको सम्भावना छ । देशका मध्य तथा पूर्वका एक वा दुई स्थानमा भारी वर्षाको सम्भावना रहेको मौसमविद् वरुण पौडेलले जानकारी दिनुभयो ।

यस्तै, राति देशभरी सामान्यदेखि पूर्णतया बदली रहनेछ। देशका पूर्वदेखि पश्चिमसम्मकै अधिकांश स्थानमा मेघ गर्जन–चट्टयांगसहित हल्कादेखि मध्यम वर्षाको सम्भावना छ । देशका पूर्वदेखि पश्चिम सम्मकै थोरै स्थानहरुमा भारी वर्षाको सम्भावना रहेको छ।

देशका केही स्थानमा मेघ गर्जन–चट्टयांग सहितको हल्कादेखि मध्यम वर्षाको सम्भावना तथा मध्य पूर्वका एक वा दुई स्थानमा भारी वर्षाको पनि सम्भावना रहेको छ । जसका कारणले सडक तथा हवाई यातायातमा अवरोध आउन सक्ने तथा पहाडि भू–भागमा पहिरो जान सक्ने हुनाले सतर्कता अपनाउन विभागको आग्रह छ ।

(Visited 8 times, 1 visits today)

    प्रतिकृया दिनुहोस्

    सम्वन्धित समाचारहरु