लकडाउनमा कालोपत्रेको काम धमाधम, नगरप्रमुख आचार्य पुगे अनुगमनमा


मेचीनगर । लकडाउनकाबीच पनि झापाको मेचीनगरको भृकुटी चोक देखि बौद्घमोडसम्मको सडकमा कालोपत्रे काम धमाधम भइरहेको छ । शहरी विकास मन्त्रालयको एकीकृत वस्ती विकास कार्यक्रम अन्तर्गत ४ किलो मिटर बाटो कालोपत्रे गर्ने काम निर्वाध ढंगले सञ्चालन भइरहेको छ । सधन शहरी विकास तथा भवन निर्माण आयोेजना कार्यान्वयन गर्ने निकाय हो ।

अहिले कालोपत्रेलगायत अन्य कुनै पनि काम नरोकिएको आयोजना प्रमुख इञ्जिनियर राजेन्द्र खतिवडाले जानकारी दिए । अहिलेसम्म कालोपत्रे गर्ने काम ८० देखि ८५ प्रतिशत सम्पन्न भइसकेको उहाँको भनाई छ । बाकी काम तीव्ररुपमा भइरहेको र जेठ मसान्तभित्रमा सकिने उनले जानकारी दिए । सामाजिक दुरी कायम गदैँ सुरक्षा सामाग्रीको भरपुर प्रयोग गरी मजदुरहर परिचालन गरिएको छ ।

२०७६ चैत मसान्तमा निर्माण कार्य सम्पन्न गर्ने सम्झौता भएपनि हालको अवस्थाका कारण निर्धारित समयमै काम सम्पन्न हुन नसकेको र जेठ मसान्तभित्रमा निर्माणका सवै कार्य सम्पन्न हुने निर्माण कम्पनि खनाल कन्ट्रक्सनका प्रवन्ध निर्देशक डिल्ली खनालले जानकारी दिए । कालोपत्रे प्रिमिक्स कार्पेटिङ रहेको यसको मोटाई ४ सेन्टिमिटर ४० मिलिमिटर रहेको इञ्जिनियर खतिवडाको भनाई छ ।

२०७६ असार २२ गते सम्झौता भएको उक्त योजनाको कुल लागत मुल्य अभिवृद्घि भ्याट बाहेक २ करोड ५९ लाख ३७ हजार ८ सय ५० रुपैयाँ रहेको छ । उक्त योेजनाको शनिबार मेचीनगर नगरपालिकाले नगरप्रमुख विमल आचार्य उपप्रमुख मीना पोखरेल उप्रेतीले स्थलगत अनुगमन र निरीक्षण गदैं सधन शहरी विकास तथा भवन निर्माण आयोेजना, निर्माण कम्पनि, जनप्रतिनिधिलगायत स्थानीयवासीसँग छलफल गरेका छन् । नगरपालिकाका प्रेस संयोजक लक्ष्मी उप्रेतीका अनुसार नगरप्रमुख आचार्य र उपप्रमुख उप्रेतीले विकास निर्माणका काम गुणस्तर हुनुपर्ने र परिमाण भन्दा पनि परिणाममुखी र स्थानीयवासीले चाहे अनुसारको हुनुपर्ने बताए । गुणस्तरमा कुनै सम्झौता नगरी योजनालाई अघि बढाउन समेत दुवैजनाले जोड दिए । हस्तानतरण गरेको समयदेखि एकवषर्मसम्म सडकमा कुनै समस्या आए निर्माण कम्पनिले निःशुल्करुपमा त्यसको मर्मत तथा सम्भार गर्ने कम्पनि खनाल कन्ट्रक्सनका प्रवन्ध निर्देशक डिल्ली खनालले प्रतिवद्घता व्यक्त गरेका छन् ।

(Visited 148 times, 1 visits today)

    प्रतिकृया दिनुहोस्

    सम्वन्धित समाचारहरु