पूर्वको सर्वाधिक लोकप्रिय अनलाइन
मेचीनगर । अनेरास्ववियु मेचीनगर संयोजक आषिश पौडेलले विद्यार्थीलाई शैक्षिक सामाग्री बितरण गरेर जन्मदिन मनाएका छन् । आज मग्रगलबार उनले आफ्नो जन्मदिन बिद्यार्थी माझ मनाएका हुन ।
२२ औं जन्म दिबसको अबसरमा उनले मेचीनगर–९ हरि आधारभुत बिद्यालयमा अध्ययानरत १६० जना बिद्यार्थीलाई उनले शैक्षिक सामाग्री बितरण गरे । बिद्यार्थी भाइ बहिनी हरु लाई आफुले सकेको सहयोग गर्न पाउँदा खुसी मिल्ने उनको भनाइ छ । गत बर्ष उनले ४० थान ब्याग बितरण गरि जन्मदिन मनाएका थिए ।
बाहुनडाँगी, फागुन ९ ।मेचीनगर ४ बाहुनडाँगी स्थीत मानव हात्ती द्वन्द व्यवस्थापन तथा वातावरण संरक्षण मञ्चको निर्वाचनमा लोकतन्त्रीक समुहका प्यानल नै बिजयी भएका छन । अध्यक्ष सहित मुख्य चार पदमा सर्बसम्मत चयन भएकोमा महासचिव सहित १० जना कार्यसमिति सदस्यका लागि शनिबार भएको निर्वाचनमा नेपाली काँग्रेस र जसपाको लोकतान्त्रीक प्यानलका उम्मेद्वार बिजयी भएका छन ।
हिजो सम्पन्न निर्वाचनको मत परिणाम अनुसार महासचिवमा काँग्रेसका तर्फबाट उम्मेद्वारी दिनु भएका विमल तामाङ बिजयी हुनु भएको छ । तामाङले ६४२ मत प्राप्त गरी बिजयी हुँदा सोही पदका प्रतिस्पर्धी राप्रपाका उम्मेद्वार चन्द्रप्रसाद सुवेदी (सन्तोस) ले ५२८ मत प्राप्त गर्नु भएको निर्वाचन समिति संयोजक पोषककुमार दर्जीले बताउनु भयो ।
त्यस्तै खुला सदस्य तर्फ नित्यान्द चम्लागाई(७७१), तेजबहादुर भुजेल(कुबिर) (७४६), चुडामणी आचार्य(७४४), र मतिबहादुर दर्जी(७५१) बिजयी हुनु भएको छ । त्यस्तै महिला सदस्यमा कोपिला लावती (७६१), सुस्मा सुवेदी (७८५), पिङ्की प्रधान (८८१) र बबिता थापा (८००) बिजयी हुनु भएको निर्वाचन समिति संयोजक दर्जीले सेतोपत्रलाई जानकारी दिनु भयो ।
अध्यक्षमा हरीप्रसाद उप्रेती, उपाध्यक्षमा धनकुमार राई, सचिव रामु सोङमेन र कोषाध्यक्षमा निता थापा यस अघि नै निर्बिरोध निर्वाचित भइसक्नु भएको थियो । कुल मतदाता २७७३ जना रहेकोमा हिजो भएको निर्वाचनमा १२८१ जनाले मतदान गरेको संयोजक दर्जीले जानकारी दिनु भयो ।सेतोपत्रबाट
मेचीनगर । नेपाल तेक्वान्दो संघ झापा जिल्ला समितिको कार्यालय उद्घाटन गरिएको छ । सरस्वती पुजाको अवसर पारि फागुन ४ गते मंगलबार कार्यलयको नेपाल तेक्वान्दो संघ झापा जिल्ला समितिको कार्यालय उद्घाटन गरिएको हो ।
जिल्लाको सदरमुकाम चन्द्रगढीमा एक कार्याक्रमको आयोजना गरि जिल्ला कार्यालयको उद्घाटन गरिएको हो । नेपाल तेक्वान्दो संघका केन्दीय सदस्य बिजयकुमार न्यौपानेको प्रमुख आथित्यमा जिल्ला कार्यलयको उद्घाटन गरिएको हो ।
जिल्ला कार्यलयको उद्घाटन कार्याक्रममा टहलदास मैनाली, डेमा थापा, सौरभ प्रधान, गंगाबहादु थापालगायतको उपस्थिती रहेको थियो । नेपाल तेक्वान्दो संघ झापाका अध्यक्ष बावुलाल सुव्बाको अध्यक्षतामा सम्पन्न कार्याक्रममा संघ झापा जिल्लाका उपाध्यक्ष जेम्स सव्बा, सचिव कुमार भट्टराई, कोषध्यक्ष पूर्णमाया सुव्बा, सदस्य होम दुलाल, संजय राई, योगेन्द रिजाल लगायत खेलप्रेमीहरुको उपस्थिति रहेको थियो ।
।। समाचार ।।
युनिक स्कूलमा सरस्वती पूजाका दिन भर्ना निःशुल्क
मेचीनगर । शैक्षिक क्रियाकलापमा अब्बल मेचीनगर–१२, सहरेडाँगीको युनिक इङ्लिस स्कूलले सरस्वती पूजाका दिन निःशुल्क विद्यार्थी भर्ना अभियान चलाउने भएको छ ।
यो वर्ष सरस्वती पूजा यही फागुन ४ गते परेको छ । सो दिन विद्यार्थी भर्ना हुन आउनेलाई जुनै कक्षामा पनि निःशुल्क गरिएको प्रिन्सिपल विष्णु रिमालले बताए । कोरोना महामारीको असर परिरहेको यो बेला विद्यार्थीलाई राहत दिन सरस्वती पूजाका दिन निःशुल्क भर्ना सञ्चालन गरिएको उनले बताए । ‘हामीले एक दिनका लागि मात्रै निःशुल्क विद्यार्थी भर्ना चलाएका छौँ,’ उनले स्पष्ट पारे ।
२०६१ सालमा स्थापना भएको युनिक स्कूलमा हाल ४३० विद्यार्थी अध्ययनरत् छन् । चौथो वर्षको एसइई परीक्षा दिइसकेको उक्त स्कूल सहरेडाँगी क्षेत्रको उत्कृष्ट शैक्षिक गन्तव्यको रुपमा पनि स्थापित छ । स्कूलका प्रिन्सिपल रिमालले अहिले पनि १० प्रतिशत विद्यार्थी स्कूल नआएको बताए । कोरोनाको असरले गर्दा कतिपय विद्यार्थी घरैमा बसेको अवस्था रहेको उनको भनाइ छ ।
एकल स्वामित्वमा सञ्चालित युनिक स्कूलमा ३ करोड लगानी भएको छ । प्रिन्सिपल रिमाल सानै उमेरदेखि शैक्षिक क्षेत्रमा क्रियाशील छन् । उनकै लगानी र मेहनतबाट युनिक स्कूलले शैक्षिक गतिविधिहरु सञ्चालन गरिरहेको छ ।
…………………..
इलाम । कोरोना भाइरसका कारण गाउँका विद्यालयमा विद्यार्थीको संख्या वृद्धि भएकाे छ । यस वर्ष लामो समयसम्म विद्यालय बन्द भए । शहरी क्षेत्रमा भीडभाड हुन्छ, संक्रमणको उच्च सम्भावना रहन्छ भन्ने आशंकामा अधिकांश विद्यार्थीहरु गाउँकै विद्यालयमा पढ्न थालेपछि विद्यार्थीको संख्या बढेको हो । गाउँका सरकारी विद्यालयमा पढ्न आएका नयाँ विद्यार्थी अन्तर जिल्ला, अन्तर पालिका र सस्थागत (बोर्डिङ्ग स्कूल) मा अध्ययन गरिरहेका विद्यार्थी छन् ।
गत सालको तुलनामा यस वर्ष फाकफोकथुम गाउँपालिका-१ को ज्योति आधारभूत विद्यालयमा १५ प्रतिशतले विद्यार्थीको संख्या बढेको पाईएको छ । जिल्ला र पालिका बाहिर अध्ययन गरिरहेका आफ्ना नानीहरुलाई जोखिम मोलेर शिक्षा दिन अविभावक तयार नभएकाले पनि गाउँका विद्यालयमा विद्यार्थीको संख्या बढेको पाईएको हो ।
फाकफोकथुम गाउँपालिका १ को ज्योति आधारभूत विद्यालयमा सस्थागत विद्यालयबाट ५ प्रतिशत र अन्तर पालिका र जिल्ला बाट भने १० प्रतिशत नयाँ विद्यार्थी आएको विद्यालयका प्रधानाध्यापक गणेश प्रसाद भट्टराईले जानकारी दिनुभयो। उहाँका अनुसार , एक देखि ८ कक्षासम्मका जम्मा विद्यार्थी एक सय १० छन् । गत साल भने ८५ थिए । यो विद्यार्थी संख्यालाई तुलना गर्दा विद्यार्थी संख्या २५ ले बढी हो ।कक्षा ८ मा गत साल ९ जना विद्यार्थी भर्ना भएका थिए । यस वर्ष भने २१ जना छन् । यस वर्ष १२ जना विद्यार्थी बढेको छ । यस्तै कक्षा ४ मा गत साल ४ जना विद्यार्थी थिए । यस वर्ष ११ जना छन् । यो संख्यालाई हेर्ने हो भने ७ जना विद्यार्थी यस वर्ष बढेको विद्यार्थी संख्या हो । विद्यालयकाअनुसार, सबै भन्दा बढी कक्षा ८ र सबै भन्दा कम कक्षा ४ मा विद्यार्थीको भर्नादर बढेको छ ।
विद्यार्थी संख्या बढेपछि विद्यालयको सीमित स्रोत साधनले नपुग्दा पठन पाठनमा समस्या भएको छ । विद्यालयमा आवश्यकता महसुस गरेरै हरेक वर्ष सम्बन्धित निकायमा पुस्तकालयको माग गरिए पनि पाउन नसकेको विद्यालयको गुनासो छ ।
विद्यार्थी बढेसँगै भवन अभाव भएपछि स्टोर शाखालाई पनि कक्षा कोठाको रुपमा सञ्चालन गरिएको छ भने प्रारम्भिक बालशिक्षा केन्द्र र कक्षा एक का विद्यार्थीहरुलाई एउटै कक्षाकोठामा पठनपाठन भईरहेको छ । यस्तै कक्षादुई र तीन का विद्यार्थीहरुलाई भने बिचमाटीनले बारेर विद्यालयले कक्षा सञ्चालन गरिरहेको छ ।
कक्षाकोठामा केहि समय ढिला गएमा विद्यार्थीले टीनचलाएर अर्को कक्षाका विद्यार्थीहरुलाई प्रत्यक्ष असर पर्ने गरेकाले पठनपाठनमा समस्याभएको शिक्षक सुरेन्द्र निरौला बताउनुहुन्छ । विद्यालयले पटक–पटक पुस्तकालयको माग गरे पनि हालसम्म पाउन सकेको छैन । माग गरे बमोजिम विद्यालयले पुस्तकालयका लागि भवन पाएमा विद्यार्थीलाई व्यवस्थापन गर्न सहज हुने विद्यालयका प्रधानाध्यापक भट्टराईको भनाइ छ । जिल्लाका १० पालिकामा तीन सय ९७ सामुदायिक र एक सय १७ संस्थागत गरी पाँच सय १४ वटा विद्यालय रहेको शिक्षाविकास तथा समन्वयइकाइ इलामका शाखा अधिकृत डम्बर सुवेदीले जानकारी दिनुभयो ।
फाकफोकथुम गाउँपालिकामा मात्रै सामुदायिक ४१, संस्थागत ८ र धार्मिक १ गरी ५० विद्यालय रहेको शिक्षा शाखा प्रमुखम ताव सिह लिम्बूले जानकारी दिनुभयाे ।
विराटनगर / प्रतिनिधिसभा (संसद्) विघटनसम्बन्धी मुद्दामा इजलासको टुङ्गो लागेपछि आज (आइतबार)बाट निरन्तर सुनुवाइको प्रक्रिया अघि बढ्ने भएको छ ।
संसद् विघटनविरुद्ध सर्वोच्च अदालतमा दर्ता भएका रिट निवेदनमाथि संवैधानिक इजलासमा सुनुवाइ हुने भएको हो । यसअघि वृहद कि संवैधानिक इजलासमा सुनुवाइ हुनेभन्ने विवाद थियो । गत शुक्रबार सर्वोच्चले सुनुवाइ संवैधानिक इजालसमै हुने निर्णय सुनाएपछि अब सुनवाइ निरन्तर अघि बढ्ने भएको हो ।
प्रधानन्यायाधीश चोलेन्द्रशम्शेर जबरा तथा न्यायाधीश विश्वम्भरप्रसाद श्रेष्ठ, अनिलकुमार सिन्हा, सपना मल्ल र तेजबहादुर केसीको संवैधानिक इजलासले शुक्रबार संवैधानिक इजलासमै सुनुवाइ गर्ने तय गरेको थियो । त्यसपछि विषयवस्तुमा प्रवेश गरेर सुनुवाइका लागि बाटो खुला भएको हो ।
रिट निवेदक १३ जनामध्ये ११ जनाले यो विषय बृहत् पूर्ण इजलासमा सुनुवाइ गर्नुपर्ने माग गर्दै पूरक निवेदन दिएकाले क्षेत्राधिकारका विषयमा लामै बहस र छलफल भयो । गत पुष १० पुस गते सर्वोच्च अदालतको संवैधानिक इजलासले प्रतिनिधिसभा विघटन गर्नुपर्ने कारणसहित लिखित जवाफ पेस गर्न सरकारका नाममा आदेश जारी गरेको थियो ।
आदेशअनुसार राष्ट्रपति कार्यालय, प्रधानमन्त्री तथा मन्त्रिपरिषद्को कार्यालय, सभामुखले गएको पुस १९ गते महान्यायाधिवक्ता कार्यालयमार्फत लिखित जवाफ पेस भइसकेको छ । अदालतले प्रतिनिधिसभा विघटनसम्बन्धी सिफारिस र निर्णयको सक्कलप्रति राष्ट्रपति कार्यालय र प्रधानमन्त्री तथा मन्त्रिपरिषद्को कार्यालयबाट झिकाउने, प्रतिनिधिसभामा अविश्वासको प्रस्ताव दर्ता भएको खुल्ने गरी सक्कल रजिष्ट्रारसमेतका कागजात सङ्घीय सचिवालयबाट झिकाउने आदेश जारी गरेको थियो ।
त्यस्तै अदालतले माग गरेको अदालतको सहयोगी (एमिकस क्युरी)मा नेपाल बारले एसोसिएशनले वरिष्ठ अधिवक्ताहरु बद्रीबहादुर कार्की, शतिशकृष्ण खरेल र विजयकान्त मैनालीलाई सिफारिस गरेको छ भने सर्वोच्च बार एसोसिएशनले निर्वाचित अध्यक्ष वरिष्ठ अधिवक्ता पूर्णमान शाक्य र वरिष्ठ अधिवक्ता गीता पाठक सङ्ग्रौलाको नाम सिफारिस गरेको छ ।
प्रधानमन्त्रीका सिफारिसमा राष्ट्रपतिले यही पुस ५ गते प्रतिनिधिसभा विघटन गरेको निर्णयविरुद्ध १३ रिट निवेदन दर्ता भएको थियो । राष्ट्रपति कार्यालय, प्रधानमन्त्री तथा मन्त्रिपरिषद्को कार्यालय, सभामुखलगायतलाई विपक्षी बनाएर विघटित प्रतिनिधिसभाका सदस्य देवप्रसाद गुरुङ, कृष्णभक्त पोखरेल, शशी श्रेष्ठ र रामकुमारी झाँक्रीका तर्फबाट अधिवक्ता प्रवेश केसीले निवेदन दायर गरेका थिए ।
रिट निवेदनमा निवर्तमान सांसदले प्रधानमन्त्रीका सिफारिसमा राष्ट्रपतिले प्रतिनिधिसभा विघटन गर्ने गरी गरेको निर्णयबाट प्रतिनिधिसभाको पाँच वर्षसम्म प्रतिनिधित्व गर्न पाउने हकबाट बञ्चित भएको जनाउँदै यो निर्णय बदर गर्न माग गरिएको छ । निवेदनमा राष्ट्रपति कार्यालयलाई लिखित जवाफ माग गरिएको छ ।
त्यस्तै वरिष्ठ अधिवक्ता दिनेश त्रिपाठी तथा अधिवक्ता शालिकराम सापकोटा, ज्ञानेन्द्रराज आरण, समृत खरेल, कञ्चनकृष्ण न्यौपाने, सन्तोष भण्डारी, दीपक राई, अमिता गौतम, लोकेन्द्रबहादुर ओली, कमलबहादुर खत्री, मनिराम उपाध्याय, तुलसी सिंखडा र अच्युतप्रसाद खरेलले निवेदन दायर गरेका थिए ।
कानुन व्यवसायीले दायर गरेको रिट निवेदनमा प्रधानमन्त्रीले गरेको सिफारिस र त्यस सिफारिसका आधारमा राष्ट्रपतिद्वारा प्रतिनिधिसभा विघटनसम्बन्धी सम्पूर्ण कामकारबाही र यस सिफारिसका आधारमा भए गरेका सम्पूर्ण कार्य नेपालको संविधानको धारा, १३३ को उपधारा, २ र ३ बमोजिम उत्प्रेषणका आदेशबाट बदर गरी प्रतिनिधिसभाले गर्नुपर्ने काम सम्पन्न गर्न उपयुक्त आदेश गर्न माग गरिएको छ ।कोशी अनलाइनबाट
काँकरभिट्टा । बाहुनडाँगी जेसीजको २०२१ को नेतृत्वका लागि ३ जनाको नाम चर्चामा छ । जेसीजको विधान अनुसार एक पद, एक कार्यकाल र एक वर्षे अवधी रहेको छ । सोही अनुसार २०२० को कार्य अवधी सकिँदै जाँदा बाहुनडाँगी जेसीजमा नयाँ नेतृत्वको तयारी भइरहेको छ । जसका लागि देबु बानियाँ, दिपक बराल र प्रविण भण्डारी अध्यक्षका प्रत्यासीका रुपमा चर्चामा रहेका छन् ।
२०१० मा स्थापना भएको बाहुनडाँगी जेसीजले १० औँ शाखा अधिवेशनको तयारीमा रहँदा बानियाँ, बराल र भण्डारी अध्यक्षका प्रत्यासीका रुपमा देखिएका हुन् । २०१५ मा बाहुनडाँगी जेसीजमा प्रवेश गरेका बराल भेटनरी व्यवसायी हुन् । बरालले शाखाममा यस अघि उपाध्यक्ष र महासचिव पदमा रहेर आफ्नो जिम्मेवारी पुरा गरिसकेका छन् ।
राजनीतिक तथा सामाजिक क्षेत्रमा सक्रिय बराल आधा दर्जन संघ संस्थाका कुशल नेतृत्व गरिसकेका अनुभवी व्यक्ति पनि हुन् । भृकुटी खानेपानी संस्थाको अध्यक्ष बराल प्रखर वक्ता तथा युवा राजनीतिककर्मीसमेत हुन् । बराल नेकपा मेचीनगर कमिटीको सचिवालय सदस्य तथा युवा संघ नेपालको प्रदेश सदस्य पनि हुन् ।
बरालले आफु अध्यक्ष प्रत्यासी भन्दा पनि सस्थाले आवश्यकता महसुस गनुपर्नेमा जोड दिए । कुराकानीका क्रममा बरालले भने–‘सस्थाले मलाई आवश्यकता सम्झिए सर्बसम्मत रुपमा नेतृत्व लिन तयार छु । निर्वाचनले संस्थालाई असर पर्ने भएकाले सहमतिको विकल्प छैन ।’
अर्का प्रत्यासी बानियाँ २०१३ मा बाहुनडाँगी जेसीजमा प्रवेश गरेका हुन् । पेशाले सरकारी विद्यालयका शिक्षक बानियाँले बाहुनडाँगी जेसीजमा जनसम्पर्क अधिकारी, सञ्चार संयोजक, तालिम संयोजक, उपाध्यक्ष, महासचिव र कार्यकारिणी उपाध्यक्ष पदमा रहेर जिम्मेवारी पुरा गरिसकेका छन् । बानियाँ नेपाल जेसीजबाट २०१८ मा उत्कृष्ट सदस्य अवार्ड तथा २०१९ मा रत्ननगर महाधिवेशनमा जेसीजको राष्ट्रिय वक्तृत्वकला प्रतियोगिताका विजेता समेत हुन् । उनी जेसीज अभियान भित्र सबैका प्रिय पात्र मानिन्छन् ।
व्यवसायलाई समेत अँगालेका बानियाँले सभ्यता कृषि फर्म सञ्चालन गरी व्यवसायिक बाख्रा पालन गर्दै आएका छन् । नेपाल पत्रकार महासंघ झापा शाखाको कार्यसमिति समेत रहेका बानियाँ स्पष्ट तथा प्रखर वक्ताका रुपमा चिनिन्छन् । उनी भन्छन्, ‘अरु शाखाको अनुभव र क्षमतालाई बुझेर मेरो कार्यकालमा उत्कृष्ट कार्य गर्दै शाखाले देखेको सपना पूरा गर्नेछु ।’
यस्तै, २०१६ मा जेसीजमा प्रवेश गरेका भण्डारी उपाध्यक्ष, कार्यकारिणी उपाध्यक्ष, कोषाध्यक्ष, कानुनी सल्लाहकार र कार्यक्रम संयोजकको रुपमा रहेर काम गरिसकेका छन् । होटल व्यवसायी भण्डारी युवा राजनीतिककर्मी समेत हुन् । उनी नेकपा मेचीनगर ४ को सहसंयोजक तथा विभिन्न संघ संस्थामा रहेर काम गरिसकेका छन् । भण्डारीले भने– ‘अब मेरो पालो आएको छ । निरन्तर शाखामा रहेर काम गरेका अनुभबलाई आफ्नो कार्यकालमा उत्कृष्ट बनाएर अघि बढ्ने योजना रहेको छ ।’ बाहुनडाँगी जेसीजलाई देशकै उत्कृष्ट शाखाको रुपामा स्थापित गर्ने उनको योजना रहेको छ ।
अध्यक्षका प्रत्यासी बराल र बानियाँ गत वर्ष पनि अध्यक्षका प्रत्यासीका रुपमा रहेका थिए भने भण्डारीले यो साल अध्यक्षका लागि आफुलाई अघि सारेका छन् । लामो समय शाखामा रहेर काम गरेका अध्यक्षका प्रत्यासी तीनै जना नेतृत्व लिन तम्तयार भएर अघि सरेका छन् ।
नविन बरालको नेतृत्वमा स्थापना भएको शाखामा यस अघि बद्री निरौला, उत्तम सिठुङ, सन्तोष सुवेदी, पुष्कर ढकाल, किरण नेपाल, जीवन मोते र कञ्चन उप्रेतीले नेतृत्व गरिसकेका छन् भने २०२० लाई सागर कार्कीले हाँकिरहेका छन् ।
चारआली । चारआली जेसीज स्थानिय विपन्न पथारु राजवंशीको घर निर्माणमा जुटेको छ । अर्थिक विपन्नताका कारण जीर्ण घरमा गुजरा गर्दै गरेका राजवंशी परिवारका लागि जेसिजले मेचीनगर १३ उत्तरगंगा टोलमा नयाँ घरको लागि शिलान्यस गरिसकेको छ ।
‘मानविय सेवा नै जीवनको सर्वोत्तम कार्य हो’ भन्ने जेसीजको आस्थालाई बढोत्तरी दिदै चारआली जेसीजले पथारु राजवंशीको घर निमांणमा जुटेको छ । करिब ६ लाख ७९ हजारको अनुमानित लागतमा निमार्ण हुने उक्त घर जेसिजका सदस्य तथा स्थानिय दाताहरुको जिन्सी सहयोगबाट घर निमार्ण गरिने निमर्ण समिति संयोजक भोजराज पराजुलीले जानकारी दिए । जेसीजले गत बिहिबार जेसिजले राजवंशीको घरको शिलान्यास गरेको छ । चारआली जेसीजका अध्यक्ष विकास निरौला (दिपेन्द्र), महासचिव टिका रिजाल तथा निमार्ण समिति संयोजक भोजराज पराजुलीले संयूक्त रुपमा उक्त घरको शिलान्यास गरेका हुन ।
चार जनाको परिवार रहेको राजवंशीको बन्दै गरेको घर २ वटा कोठा र बरण्डा रहनेछ । पथारु राजवंशी विपन्न परिवार घर निर्माण समितिका कोषाध्यक्ष संगित शिवाकोटीका अनुसार १ महिना भित्रमा घर निर्माण सम्पन्न गरी राजवंशी परिवारलाई हस्तान्तरण गरिनेछ । चारआली जेसिजका संस्थापक अध्यक्ष विष्णु रिमालले जेसीज सदस्यहरुले आफ्नो महत्वपूर्ण दिन तथा उत्सवहरुमा जमघट गर्ने र सामाजिक उत्तरदायित्व वहन गर्ने अभ्यासमा आफूँहरु भएकाले यस्ता किसिकको कार्यहरुमा जेसीज सक्रिय रुपमा लागेको बताए । उनले पथारु राजवंशीको घर निर्माणमा स्थानिय दाताहरुको समेत सहयोग रहने कुरामा विश्वास साथै आह्वान गरे ।
उता पथारु राजवंशी भने वर्खामा बाछिट्टा र जाडोमा सिरेटो झेल्नुपर्ने समस्याबाट मुक्त हुने भएपछि चारआली जेसिजलाई धन्यवाद दिन्छन् । राजवंशी भन्छन् – ‘मजदुरी गरेको पैसाले गुजरा चलाउन गार्हो छ, घर बनाउने योजना बन्थ्यो तर पुरा हेन्थेन’, भावुक बन्दै उनले भने –‘जेसिजले मेरो घर बनाईदियो, अब जाडो र पानीको समस्या रहेन ।’
’
